Um okkur
Vinnustaðurinn
Fjárfestar
Sjálfbærni
Lykillinn að velgengni fyrirtækja er fólginn í mannauði þeirra. Markmið Beru er því að hafa yfir að ráða vel menntuðu, hæfu og áhugasömu starfsfólki sem sameiginlega skapar metnaðarfullt og jákvætt vinnuumhverfi. Starfsfólk Beru stefnir samstíga í átt að framtíðarsýn fyrirtækisins, að verða fyrsta val viðskiptavina og neytenda. Fjölbreyttur bakgrunnur starfsfólks gerir vinnustaðinn skemmtilegan.
Jafnréttisstefna er skuldbinding Beru og Ölgerðarinnar um stöðugar umbætur í jafnréttismálum og fjölbreytileika. Horft er til ákvæða laga nr. 150/2020 um jafnan rétt kynjanna og laga nr. 86/2019 um bann við allri mismunun fólks á vinnumarkaði á grundvelli kynþáttar, þjóðernisuppruna, trúar, lífsskoðunar, fötlunar, efnahags, litarháttar, ætternis, skerðingar á starfsgetu, aldurs, kynhneigðar, kynvitundar, kyneinkenna eða kyntjáningar.
Starfsfólk Beru og Ölgerðarinnar er dýrmætasta auðlind fyrirtækisins. Það er mikið kappsatriði að starfsfólki líði vel við störf sín og að það vaxi og dafni í starfi. Því er séð til þess að starfsfólk njóti góðrar þjálfunar og að góður árangur í starfi skili sér í aukinni ábyrgð og umbun innan fyrirtækisins.
Fræðsluþörf innan fyrirtækisins er reglulega greind með rýnihópum og viðtölum innan Beru og Ölgerðarinnar. Innan fyrirtækisins er boðið upp á öfluga rafræna fræðslu þar sem starfsfólk getur sótt fræðslu á þeim tíma og þeim hraða sem hentar hverjum og einum. Þar hefur starfsfólk yfirsýn yfir það sem er í boði og hvers konar fræðslu það hefur þegar sótt.
Bera og Ölgerðin er skemmtilegur vinnustaður sem býr yfir stórum hópi með víðtæka þekkingu og reynslu. Starfsmannafélagið Mjöður heldur uppi öflugu félagslífi og stendur fyrir fjölbreyttum uppákomum og fleiru skemmtilegu. Starfsfólk Beru og Ölgerðarinnar finnur mörg tækifæri til að koma saman og gleðjast og má þar nefna starfsmannadaginn JÁ-daginn, bjórdaginn J-daginn, árshátíð og fleira.
Stjórnendur Beru og Ölgerðarinnar vita að lykillinn að velgengni fyrirtækisins felst í mannauðnum. Markmið fyrirtækisins er því að hafa yfir að ráða vel menntuðu, hæfu og áhugasömu starfsfólki sem sameiginlega skapar metnaðarfullt og jákvætt vinnuumhverfi. Kynntu þér mannauðsstefnu og gildi okkar.
Langar þig að vera hluti af frábærum starfsmannahóp? Við hvetjum þig til að leggja inn umsókn um starf.