Bryndís Thelma Jónasdóttir hefur verið ráðin nýr vörumerkjastjóri Pepsi á Íslandi. Bryndís hefur undanfarin níu ár búið í Kaupmannahöfn bæði við nám og störf. Hún er með bakkalárgráðu úr Viðskiptaskóla Kaupmannahafnar, CBS, í sölu- og markaðsfræði og hefur mikla starfsreynslu á sviði stefnumótunar og viðskiptaþróunar. Bryndís mun sem vörumerkjastjóri Pepsi halda áfram þeirri vinnu sem hefur gert drykki á borð við Pepsi Max og 7UP að einhverjum sterkustu vörumerkjum og vinsælustu gosdrykkjum landsins.